24 may kuni soat 12.05larda Samarqand viloyatining Payariq tumanida “Damas” rusumli avtomashinasini telefonda gaplashib boshqarib kelayotganligi sababli, shu erda xizmat olib borayotgan Samarqand viloyati Yo`l patrul xizmati inspektori I. Nishonov tomonidan yo`l harakati xavfsizligini ta`minlash maqsadida to`xtatilganida haydovchi xodimning to`xtash ishorasiga bo`ysunmay harakatni davom ettirib, safdor I.Nishonovni qasddan urib yuborib voqea joyidan qochib ketgan.
Natijada safdor I.Nishonov jarohat olib kasalxonada vafot etgan. Ko`rilgan choralar natijasida “Damas” rusumli avtomashinani egasi S.Sh. ekanligi aniqlanib ushlangan.
Bu haqda O`zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.