Gvatemalada Fuego vulqoni harakatga keldi, deya xabar bermoqda Segodnya nashri.
Tabiiy ofat natijasida jarohat olganlar va qurbonlar bor.
Vulqonning faollashishi tufayli ko`plab talofatlar bor. Mazkur hodisa oqibatida 25 kishi halok bo`ldi.
Bundan tashqari, yuzlab odamlar jarohat olgan. Ular orasida bolalar ham borligi ma`lum qilinmoqda. Hukumat bir nechta aholi punktlarida xavfning eng yuqori – qizil darajasini e`lon qildi. Hozirga kelib, 3 mingdan ko`proq odam evakuasiya qilingan.
– Biz falokatga yaqin hududda edik. Favqulodda holat e`lon qilingach, to`s-to`polon boshlandi. Shundan so`ng men bir necha yaqinlarimni yo`qotib qo`ydim. Hozircha ular halok bo`lganmi yoki yo`qmi, bilmayman, – dedi jabrdiydalardan biri.
