Kadastr idorasi xodimlari uchun ipoteka kreditlari asosida uy-joylar barpo etiladi.
Hukumatning 2018 yil 4 iyundagi qarori bilan Er resurslari, geodeziya, kartografiya va davlat kadastri davlat qo`mitasi tizimi xodimlari uchun uzoq muddatli ipoteka kreditlarini jalb etgan holda uy-joylar qurish dasturi tasdiqlandi. Bu haqida Adliya vazirligining “Huquqiy axborot” kanali xabar qilmoqda.
Dasturga muvofiq 2018-2019 yillarda jami 335 ta uylar qurilib, ularni qurish qishloq joylarda namunaviy loyihalar asosida shaharlarning muhandislik-kommunikasiya tarmoqlariga yaqin joylashgan hududlarda 0,06 gektar, arzon turdagi uy-joylar uchun 0,02 gektar hamda ikki qavatli 4 xonali birlashtirilgan uy-joylar 0, 04 gektar er maydonida amalga oshiriladi.
Qarorga muvofiq “Qishloqqurilishbank” ATB va boshqa tijorat banklariga uy-joylar qurilishi uchun 3 yillik imtiyozli davrini inobatga olgan holda 15 yil muddatga qayta moliyalashtirish stavkasi miqdorida ipoteka kreditlari berish tavsiya etildi.
Uy-joylar sotib solish uchun boshlang`ich badal 0,06 gektar er maydonidagi uy-joylar va 0,04 gektar er maydonidagi arzon turdagi ikki qavatli 4 xonali birlashtirilgan uy-joylar uchun – 25 foiz, 0,02 gektar er maydonidagi arzon uy-joylar uchun esa 15 foizni tashkil qiladi.
Shu munosabat bilan Er resurslari, geodeziya, kartografiya va davlat kadastri qo`mitasiga 10 kun muddatda uy-joyga yoki turar joy sharoitini yaxshilashga muhtoj xodimlarga uy-joy berish tartibi to`g`risidagi nizomni ishlab chiqish va Vazirlar Mahkamasining Qishloq va suv xo`jaligi, qishloq xo`jaligi va oziq-ovqat mahsulotlarining qayta ishlash kompleksi rahbari bilan kelishgan holda tasdiqlash topshirildi.
