18 iyul kuni Toshkent avtomobil halqa yo`lining to`rt hududida radarlar paydo bo`ldi. Toshkent shahar Yo`l xavfsizligi boshqarmasi xabariga ko`ra, radarlar ko`proq yo`l transport hodisalari sodir bo`layotgan hududlarda o`rnatilib borilmoqda.
Tezlikni qayd etuvchi radarlar Ibn Sino mavzesi qarshisidagi Zangiota tumani “Chig`atoy Oq tepa” MChJ (taxta bozor) yaqinida, “Gilamsaroy”, “Maroqand” to`yxonasi qarshisida, Toshkent halqa yo`li, yo`l qurilish bo`linmasida va Dehqonobod yo`li kesishmasida (Yunusobod tumani) o`rnatildi.
Shuningdek, Ibn Sino mavzesi yaqinidagi Toshkent halqa yo`lining yaxshi yoritilmaganligi ham o`rganilib, tegishli idoralarga xat yuborilgan.
