Tailandning Pxuket shahrida bir ayol superelim tufayli kipriklaridan ayrildi, deya yozmoqda Lenta.ru nashri.
35 yoshli Benyapa Supap (Benyapa Supap) kipriklarini o`stirish uchun go`zallik saloniga borgan. Kosmetolog esa maxsus kosmetik elim o`rniga tez quriydigan universal elimdan foydalangan.
Bir necha daqiqadan so`ng ayolning qovoqlari shishib ketgan, ko`zlarini pirpiratmoqchi bo`lganida kipriklar bir-biriga yopishib qolgan. Shunga qaramay, kosmetolog Supapdan xizmat haqi uchun 1,5 ming bat talab qilgan.
Elimdan halos bo`lish uchun Supap boshqa salonga borgan. Bir soat davom etgan urinishlardan so`ng elim bilan birga ayol kipriklaridan ham butunlay ayrilgan. Ustiga ustak, yana ming bat to`lashga majbur bo`lgan.
Ayol polisiyaga murojaat etib, bor gapni aytgan bo`lsa-da, polisiya xodimlari hech qanday yordam berolmasliklarini bildirishgan.
