Sherzod Shermatov: 13 mingga yaqin erkak o`qituvchilar maktablarimizga qaytishdi

Jamiyat 06.11.2018, 13:05
Teglar: Ta`lim, Vazirlik
Sherzod Shermatov: 13 mingga yaqin erkak o`qituvchilar maktablarimizga qaytishdi

O`zbekiston Respublikasi Prezidenti Shavkat Mirziyoev 2 noyabr kuni xalq ta`limi tizimini yanada rivojlantirish borasidagi islohotlar samaradorligini oshirish masalalariga bag`ishlangan yig`ilish o`tkazgani haqida xabar bergan edik.

Xalq ta`limi vaziri Sherzod Shermatov Facebook‘dagi sahifasida ushbu yig`ilish yuzasidan o`z fikr-mulohazalarini bildirdi:

"Prezidentimiz tomonidan oxirgi 4 oyda xalq ta`limiga e`tiborni kuchaytirish hamda o`qituvchi mavqeini oshirish bo`yicha qator yig`ilishlar o`tkazilishi va qarorlar qabul qilinishi natijasida 13 mingga yaqin erkak o`qituvchilar maktablarimizga qaytishdi.

Viloyatlardagi uchrashuvlarda o`qituvchilar ularga e`tibor avvalgi yillardagidan ko`ra ancha o`zgargani, jumladan, hozirgi vaqtda mavsumiy qishloq xo`jalik ishlariga jalb etilmasdan o`z maktablarida dars berishayotgani sababli ular o`z vaqtlarini ko`proq farzandlarimiz tarbiyasiga qarata olayotganliklaridan juda mamnunliklarini bildirishmoqda.

Albatta, bu maktab ta`limi sohasidagi islohotlarning endi boshlanishi. Bu islohotlar uzoq-uzoq tumanlarga etib borishi uchun va eng asosiysi ta`lim sifatiga katta ta`sir qilishi uchun anchagina mashaqqatli mehnat va vaqt talab etiladi.

Quvonarlisi, Prezidentimiz tashabbuslaridan keyin ko`pchilik rahbarlar maktablarga yordam bera boshladilar. Lekin, shu bilan birgalikda haligacha eskicha ishlashni qo`msayotgan ba`zi rahbarlar uchrab turibdi. Hozirgi vaqtda o`z echimini topishi kerak bo`lgan masala va muammolar ko`p bo`lishiga qaramay, Davlat Rahbari tomonidan qisqa muddatda yana bir bor xalq ta`limi masalalari bo`yicha barcha mas`ullar bilan ochiqchasiga va bafurja muhokama qilishga shuncha vaqt ajratilishi ham bu masalaning mamlakatimiz kelajagi uchun juda muhimligidan dalolat va xalq ta`limi sohasiga panja ortidan qarayotgan ba`zi joylardagi shunday rahbarlarga o`ziga xos signal hamdir.

Hozirgi shiddat bilan rivojlanayotgan zamonda faqat ta`limgina mamlakat kelajagi rivojini ta`minlay oladi. Aks holda, sun`iy intellekt, avtomatlashtirish kabi yo`nalishlar o`sib borayotgan to`rtinchi industrial revolyusiya davrida xalq ta`limi rivojlangan mamlakatlar bilan ta`limga e`tibor sust bo`lgan mamlakatlar orasidagi tafovut juda keskinlashib boraveradi.

Shunday ekan, faqat bugungi kun bilan yashamasdan, aynan kelajakda mamlakatimiz har tomonlama rivojlangan mamlakat bo`lishiga o`z hissamizni qo`shishga harakat qilaylik. Imkon boricha maktablarimizdagi sharoitlarni yaxshilashga va asosiysi, eng iste`dodli insonlarni aynan o`qituvchilik kasbini tanlashga undaydigan muhit yaratishga barcha kuchimizni safarbar qilish vaqti keldi".

Sharhlar

Hindiston O`zbekiston ta`lim sohasi uchun 448 mln. dollar ajratadigan bo`ldi  

14.12.2021, 08:35

Bu haqda  O`zbekiston Respublikasi Bosh vaziri o`rinbosari va Hindistonning O`zbekistondagi Favqulodda va Muxtor elchisi Manish Prabhatlarning uchrashuvida ma`lum qilindi.O`zbekiston investisiyalar va tashqi savdo vazirligining xabar...
Vazirlik to`lov-kontrakt miqdori 10 foiz oshganiga izoh berdi

10.09.2021, 10:15

Avvalroq O`zbekiston OTMlarining 2021/2022-o`quv yili uchun to`lov-kontrakt puli miqdorlari e`lon qilingani haqida xabar bergan edik. Ma`lumki, ushbu yil to`lov-kontrakt miqdori 10 foizga oshgan. Ammo bu talabalar...
O`zbekistonda 51 ta maktabda ta`lim qirg`iz tilida olib boriladi. Ular uchun qirg`iz tilida darsliklar chop etiladi

14.07.2021, 17:15

O`zbekiston qirg`iz milliy madaniy markazi rahbari Rahmatulla Jabborov AOKAda bo`lib o`tgan brifingda Markaz faoliyati haqida ma`lumot berdi.O`zbekistonda 300 ming  nafar  qirg`izlar istiqomat qiladi. Bugungi kunga...
Davlat tashkilotlari rahbarlariga sertifikat va harbiy unvonlar topshirildi

03.12.2019, 12:50

“Chirchiq” umumqo`shin dala-o`quv maydonida vazirliklar va boshqa davlat tashkilotlari rahbarlari tarkibi bilan o`tkazilgan besh kunlik yig`in davomida ko`zlangan natijalarga erishildi.Yig`in ishtirokchilari bilan mashg`ulotlar chog`ida dunyo...
Ob-havo: Toshkent
Valyuta kursi
1