Amerikalik 12 yoshli Lendon Jons ismli bola bir yil ovqatlanmasdan yashab, shifokorlarni qiyin ahvolga solib qo`ydi, deya xabar berdi Vesti.ru.
Velosipedda sayr qilish va do`stlari bilan bog`da o`ynashni yoqtirgan serharakat bolaning hozirda 24 soat davomida boshi aylanib, ko`ngli ayniydi. Uning ota-onasi bolani davolash uchun AQShning turli shtatlaridagi 5 ta klinikaga bordi, hatto bir kasalxonadan 4 ming dollar qarz ham bo`lib qoldi. Lekin bolani davolashning iloji topilmadi.
«Biz bolani sinchiklab o`rgandik, biroq aniq bir tashxis qo`ya olmadik», — deb ta`kidladi 33 yillik malakaga ega bolalar nevropatologi Mark Patterson.