AQShning Nyu-Meksiko shtatidagi tog`li hududda ko`chki sodir bo`ldi, deb xabar qilmoqda RIA Novosti nashri.
Ushbu hudud kurort zona hisoblangani uchun voqea ro`y bergan vaqtda tog` yonbag`rida dam oluvchilar bo`lgan. Hodisa oqibatida esa bir necha kishi halok bo`lgani xabar qilinmoqda. Biroq ularning aniq soni to`g`risida ma`lumotlar yo`q. Jasadlar qor ostidan olib chiqildi. Bundan tashqari, yana 2 kishi bedarak yo`qolgan bo`lib, ayni vaqtda ularni qidirish va qutqarish ishlari olib borilmoqda.
