Gresiya poytaxti Afina markazidagi Sintagma maydonida 60 ming kishi ishtirokida norozilik namoyishi bo`lib o`tmoqda, deya xabar qilmoqda Ria.ru nashri.
Mamlakat aholisi Makedoniya nomi bo`yicha Skope bilan Prespa bitimiga qarshi ekanliklarini bildirishmoqda. Gresiyaliklarning fikricha, makedoniyaliklar deb qo`shni davlat emas, balki faqat mamlakat shimoliy qismidagi tarixiy hudud aholisi atalishi mumkin. Namoyishlar ortidan tartibsizliklar ham kelib chiqmoqda. Parlament binosi oldida ro`y bergan miting ishtirokchilari va polisiya o`rtasidagi to`qnashuvlarda 10 ga yaqin polisiya xodimi jarohat olgan.
