Bojxona xodimlari tomonidan giyohvandlik vositalarining g`ayriqonuniy aylanmasiga o`z vaqtida chek qo`yishdi.
Qashqadaryo viloyat bojxona boshqarmasi Kontrabanda va bojxona qonunchiligiga qarshi kurashish bo`limi xodimlari huquqni muhofaza qiluvchi boshqa idoralar vakillari bilan hamkorlikdaChiroqchi tumanida tezkor tadbir o`tkazishdi. Tadbir davomida Chiroqchi tumanida fuqaro
X.Z. ning yashash xonadoni belgilangan tartibda xolislar ishtirokida ko`zdan kechirildi. Natijada, hovlining tomorqa er maydonida uzum toklar orasida 4 tup “Kannabis” giyohvandlik o`simligi yashirin tarzda parvarishlab kelinayotganligi fosh etildi.
Shuningdek, tezkor tadbir davom ettirilib mazkur tumanda yashaydigan yana bir fuqaro B. Ch. ning ham yashash xonadoni belgilangan tartibda tekshirildi. Natijada, hovlidagi jo`xori o`simligi ekilgan maydonda yashirin tarzda 6 tup “Kannabis” giyohvandlik o`simligi noqonuniy parvarishlab kelinayotganligianiqlandi.
Hozirda mazkur holatlar yuzasidan tekshiruv ishlari olib borilmoqda.
