Ijtimoiy tarmoqlarda tarqalgan ommaviy mushtlashuv bo`yicha Bosh prokuratura vakili axborot berdi.
Voqea 5 iyun kuni soat 19:50 larda Toshkent shahar Mirobod tumanidagi "Osiyo burger" ovqatlanish shahobchasi oldida ro`y bergan. Bir guruh shaxslarning bezoriligi oqibatida janjal kelib chiqqan. Janjal natijasida ulardan biriga pichoq bilan jarohat etkazilgan.
Holat yuzasidan Toshkent shahar prokuraturasi tomonidan Jinoyat kodeksining 25, 97-moddasi ikkinchi qism «l» bandi bilan jinoyat ishi qo`zg`atilgan. Ikki nafar shaxsga nisbatan qamoqqa olish tarzidagi ehtiyot chorasi qo`llangan.
