iLike.uz blogi xodimlari toshkentlik Twitter foydalanuvchilari qaysi hududlarda faolroq ekanligini tvitlarning joylashgan o`rnini aniqlovchi xarita orqali tekshirib ko`rishdi. Bu haqda iLike.uz nashri ma`lumotlariga tayanib, uz24.uz xabar beradi.
Ularning tekshiruvlari Toshkentdagi mehmonxonalar, aeroport va shahar markazida ko`proq tvit yozilishini ko`rsatdi.
iLike.uz yozishicha, tvitlarning joylashgan o`rnini aniqlovchi xarita Mapbox dasturchisi Erik Fisher tomonidan 3,5 yil vaqt mobaynida ishlab chiqilgan. Xarita o`zida 6 milliarddan ortiq tvitlarning joylashgan o`rnini jamlaydi. Dasturchining so`zlariga ko`ra, Twitter foydalanuvchilari har kuni taxminan 10 million tvit yozadi.
iLike.uz saytidagi suratda tvitlar yoziladigan hududlar yashil nuqtalar bilan belgilangan.
