O`zbekiston TIV Anqarada o`z joniga qasd qilgan o`zbekistonlik qiz haqida rasmiy ma`lumot berdi.
TIV xabarida qayd etilishicha, O`zbekistonning Turkiyadagi elchixonasi 2019 yilning 23 sentyabr kuni Anqara shahrida O`zbekiston fuqarosi Nodira Qurbonovaning fojiali o`limi bilan bog`liq vaziyat o`z nazoratida ekanligini ma`lum qilgan.
Anqara shahri prokuraturasi bergan ma`lumotga ko`ra ayni paytda tergov tadbirlari olib borilmoqda, jumladan, guvohlar so`roq qilinmoqda, telefon so`zlashuvlar va elektron yozishlamalar mazmuni o`rganilmoqda. Tegov organlari sud-tibbiy ekspertiza xulosasini kutmoqda.
Shuningdek, elchixona xodimlari Turkiyada yashaydigan o`zbek diasporasi vakillarining mazkur masala bo`yicha savollariga javob bermoqda.
OAVda tarqalgan ma`lumotlarga ko`ra, 23 yashar Nodira Qodirova Turkiyaning Adolat va taraqqiyot partiyasi deputati Shirin Unal tufayli o`z joniga qasd qilgan. Nodira deputatning uyida uning kasalmand rafiqasini parvarishlash bilan band bo`lgan.
Konsullik huquqiy departamenti marhumaning yaqinlari va oilasiga hamdardlik bildiradi hamda Turkiya, Bolgariya, Iroq, Ruminiya va JAR hududida bo`lib turgan fuqarolar zarur vaziyatlarda mamlakatning Anqara shahridagi elchixonasiga (tel.: +90 312-441-17-46, +90 312-441-38-71/72) yoki Istanbul shahridagi bosh konsulxonasiga (tel.: +90 212-323-20-37, +90 212-229-00-75) murojaat qilishlari mumkinligini eslatib o`tgan.
