Qurolli Kuchlar akademiyasida “Ma`naviy yuksalish va vatanparvarlik kuni” doirasida ma`naviy-ma`rifiy tadbir o`tkazildi.
Unda O`zbek davlat drama teatri aktyorlari – Sardor Mansurov hamda O`zbekistonda xizmat ko`rsatgan artist Munojat Teshaboeva ishtirok etdi. Aktyorlarning faoliyati davomida uchraydigan qiziqarli voqealar, ish jarayonidagi murakkab vaziyatlardan oqilona chiqib ketilgan lahzalar, spektakl davomida tabiiy ravishda ijod qilingan sahna ko`rinishlari haqidagi xotiralar yig`ilganlarda katta qiziqish uyg`otdi. Shundan so`ng kursantlarning savollari ko`paydi:
- Harbiy xizmatchi obrazini yaratganmisiz?
- Siz Vatan deganda nimani tushunasiz?
- Sahna ham kichik Vatan bo`lsa, rosmana hayotni qanday talqin qilasiz?
- Orzuingizdagi aktyor?...
Yoshlardagi qiziqarli savollarning javobi barcha yig`ilganlar uchun ibratli voqealarni eslatdi.Savol-javoblardan ruhlangan kursantlardan biri o`ziga ishonch bilan teatr aktyorlari qarshisida yaxshi ko`rgan monologini o`qib berib, olqish oldi.Ikkinchisi taniqli shaxslarning ovoziga taqlid qilish mahoratini ko`rsatdi.
Shu zaylda kursantlar o`zlarining nafaqat jismoniy va jangovar shaylikni oshirayotgani, balki ijodiy ma`noda ham bellasha olishga qodirliklarini isbotladilar.
Mudofaa vazirligi Axborot va ommaviy kommunikasiyalar departamenti
