Toshkent davlat yuridik universiteti huzuridagi Yuridik kadrlarni xalqaro standartlar bo`yicha professional o`qitish markazida Oliy ma`lumotga ega bo`lgan shaxslarni yuridik mutaxassislikka qayta tayyorlash kurslari tashkil etilgan.
Mazkur kurs uchun qabul kvotasi 100 (75 o`zbek, 25 rus) tani, to`lov-kontrakt miqdori esa 10 000 000 so`mni tashkil etadi.
Qayta tayyorlash kurslariga 79 ta oliy ta`lim yo`nalishini bitirgan talabgorlar suhbat tarzida o`tkaziladigan kirish imtihonlari natijalariga ko`ra qabul qilinadi.
Kursda o`quv jarayonlari 2020 yilning yanvar oyidan boshlanib, 6 oy davom etadi.
Mazkur kurslarni tugatgan va belgilangan namunadagi diplomni olgan shaxslar davlat organlari va boshqa tashkilotlarning yuridik xizmatlarida ishlash huquqiga ega bo`ladi.
Kursga hujjatlarni topshirish 2019 yilning 31 oktyabriga qadar centertsul.uz yoki qabul.sentertsul.uz veb-saytlari orqali faqat elektron shaklda amalga oshiriladi.
Kurs haqida qo`shimcha ma`lumotlarni www.centertsul.uz hamda +998712332214 telefon raqamlari orqali olish mumkin.
