Sal avval Samarqand shahrida yashovchi yurtdoshimiz Doniyor Zubaydov avgust oyida Neksiya 3 rusumli avtomashina yutgani, biroq yutuqni olishda qiyinchilikka uchragan to`g`risida xabar bergan edik.
Yutuqli o`yin tashkilotchisi “Unique Marketing group” kompaniyasi “Xalq so`zi Onlayn”ga ushbu holat bo`yicha izoh taqdim etdi.
Qayd etilishicha, 2019 yil 31 avgustda yutuqli o`yinning uchta g`olibdan birinchisi aniqlandi hamda Doniyor Zubaydov avtomobil sovrindoriga aylangani haqida xabardor qilindi. Shuningdek, unga tashkilotchi tomonidan avtomobil 2019 yilning 18 oktyabrida (90 kunda) etkazib berilishi tushuntirilgan.
“Shunday qilib, barcha ma`lumotlar ʼUnique Marketing groupʼ kompaniyasi Doniyor Zubaydovning oldida o`z majburiyatlarini bajarganligini ko`rsatadi. Avtomobil yutug`ini olish sanasi kechikkanligi g`olibning quvonchini biroz susaytirgan bo`lishi mumkin, lekin oqibatda hammasi yaxshilik bilan tugadi. Yangi Nexia 3ʼning kaliti o`z qonuniy sohibiga topshirildi”, — deyiladi xabarda.
