Kecha Toshkent davlat iqtisodiyot universiteti binosida oliy ta`lim tizimida korrursiyaga qarshi kurashishga bag`ishlangan katta yig`ilish bo`lib o`tgani va unda TDIU rektori B.Xodiev ishdan olingani haqida xabar bergan edik.
Biroq, mazkur yig`ilishda ko`tarilgan mavzular va ma`ruzalar haqida xech qaerda batafsil ma`lumot uchramadi.
Bloger va huquqshunos Xushnud Xudoyberdiev majlisda O`zbekiston Prezidentining davlat xizmati va davlat hokimiyati vakillik organlari bilan hamkorlik qilish masalalari bo`yicha maslahatchisi Sherzod Kudbiev bildirgan ayrim fikr va iqtiboslar bilan bo`lishdi:
«Oliy ta`lim muassasalari davlatimizda olib borilayotgan oshkora siyosatga etarlicha munosabat hamda javob qaytara olmayaptilar.
Oliy ta`lim tizimida bugun keskin qadam qo`ymas ekanmiz, hech qachon sohada o`zgarish bo`lmaydi!
Salbiy holatlarni Toshkent davlat iqtisodiyot universitetida ham ko`rishimiz mumkin.
Afsuski, universitet rahbariyati hamda jamoasidan xalqimiz va Prezidentimiz kutayotgan natija bo`lmayapti. Talabalar bilimini baholash, ularni kursdan kursga qoldirish, talabalar safidan chetlashtirish, o`qishga tiklash va ko`chirish jarayonlarida ochiqchasiga korrupsion holatlar hali hanuz davom etmoqda.
O`qituvchilar tomonidan sun`iy ravishda talabalarning ballari pasaytirilishi, aytingchi, bunday oliyjanob kasb egasining talaba qo`liga qarashi - pastkash va jirkanch holat emasmi?
Korrupsiyaga qarshi qattiq kurashamiz! Prezidentimiz aytganlaridek, orqaga yo`l yo`q, ko`priklar yonib ketgan.
Rahbarlar yoki xalqqa xizmat qiladi, yoki ketadi. Ketganda ham oddiy qutulmaydi. Buni bugun prezidiumda o`tirganlarni ko`rib ham, xulosa qilsa bo`ladi.
Xalqqa xizmat qilmaydigan, vazifasini suiste`mol qiladigan, oyog`i erdan uzilgan rahbarlar bilan biz hech qachon ishlay olmaymiz, ishlamaymiz ham. Ular munosib jazosini ham oladi.
Bilib qo`yinglar, butun oliy ta`lim tizimida o`rganishlar davom etadi, ularning natijalari to`g`risida hali eshitasizlar, keskin choralar ko`riladi!
Xuddiki yuqorida aytilgan salbiy holatlar menga tegishli emas, meni aytmadi-ku, degan rektorlar ham oramizda yo`q emas.
Bilib qo`yinglar, kimda kim shunday o`ylasa, juda qattiq xato qiladi! Barcha ma`lumotlar etarli! Yuridik universitet, Iqtisodiyot universiteti... Agar hali vaziyat o`zgarmasa bu ro`yxat yana davom etadi...»
Eslatib o`tamiz, sal avval blogerning Xodievni korrupsiyada ayblash noto`g`ri deyayotganlarga javobi berilgan edi.
05.10.2021, 20:43
Toshkent davlat iqtisodiyot universiteti sobiq prorektori Nodir Fozilovich Idiev qidiruvga berildi.U firibgarlikda ayblanmoqda. Bu haqda Buxoro viloyati IIB matbuot xizmati xabar berdi. Unga asosan, Nodir Idiev...06.11.2019, 10:10
Xabaringiz bor, kecha, 5 noyabr kuni TDIU rektori Bahodir Xodiev lavozimidan ozod etilgani haqida xabar bergan edik. Shubhasiz, shu kunning o`zida bo`lib o`tgan yig`ilish va Xodiev...05.11.2019, 12:36
Bugun TDIU rektori Bahodir Xodiev lavozimidan ozod etildi. Bu haqda darakchi.uz’ning Oliy va o`rta maxsus ta`lim vazirligidagi manbasi xabar qildi.Yig`ilish Prezident maslahatchilari Sherzod Kudbiev va...