Farg`onada bo`hton qurboni bo`lib, sud hukmi bilan oqlangan o`qituvchidan prokuror 25 yil avvalgi xatolik uchun uzr so`radi.
Adolat baribir qaror topadi. Jinoyat ishlari bo`yicha Farg`ona viloyat sudi kassasiya sudlov hay`ati tomonidan Bag`dod tuman sudining 1994 yil 20 dekabrda Tursunxo`ja Abdurahmonovga nisbatan chiqargan ayblov hukmi bekor qilindi.
Sudning hukmiga ko`ra, T.Abdurahmonov bir dona qirqma ov miltig`ini yotoqxonasidagi yostiq ostida va 41 gramm ko`knor boshoqlarini mehmonxonasidagi deraza tokchasida qonunga xilof ravishda saqlaganlikda ayblangan va 2 yil muddatga ozodlikdan mahrum qilinib, mehnatga majburan jalb qilingan edi. Viloyat sudi mazkur jinoyat ishini ko`rib chiqib, uni jinoyat sodir etmagan deb topdi va uni O`zbekiston Respublikasi Jinoyat prosessual kodeksining 83-moddasiga asosan reabilitasiya qildi, ya`ni oqladi.
Sudda aniqlanishicha, o`qituvchilar ish haqini oshirish haqida Prezidentga murojaat qilishgani uchun maktabning ilmiy mudiri T.Abdurahmonov o`sha vaqtdagi viloyat ichki ishlar boshqarmasi boshlig`i tomonidan uyushtirilgan bo`hton qurboni bo`lgan.
–Faoliyatim davomida ko`plab oqlov hukmlari chiqarilgan, lekin bunisi boshqacha bo`ldi,– deydi jinoyat ishlari bo`yicha Farg`ona viloyat sudining sudyasi Rahmatjon Arapov.– Jarayon davomida davlat ayblovini quvvatlovchi prokuror T.Abdurahmonovga nisbatan oqlov hukmi chiqarish lozimligini aytdi. Undan o`sha vaqtda yo`l qo`yilgan xatolik uchun uzr so`radi, sudlov hay`ati oqlov hukmi chiqardi, 70 yoshni qoralayotgan nuroniy otaning ko`zlaridan esa sevinch va shukur yoshlari oqdi. Ayrim shaxslar kabi asossiz sudlangani uchun gina saqlamasdan O`zbekistonimiz ravnaqi yo`lida fidokorona mehnat qilgan, murabbiylik faoliyati davomida Vatanni sevish, shijoat, halollik, ilmga intilish kabi tuyg`ularni minglab yoshlar qalbiga singdira olgan va farzandlarini ham jamiyatning ilg`or vakillari sifatida ulg`aytira olgan Tursunxo`ja ota Abdurahmonovdan har qancha o`rnak olsa arziydi.
15.05.2024, 13:27
Farg`onada "Hizb at-tahrir al-islomiy" diniy ekstremistik oqimining faol a`zosi bo`lgan Abdumutal Abdurahimov qamaldi, deya xabar bermoqda Oliy sud Matbuot xizmati.Abdumutal Abdurahimov Rossiya Federasiyasida ishlab yurgan...
14.05.2024, 12:51
Farg`ona viloyati Milliy gvardiya boshqarmasi Qo`shtepa tumanidagi maktabda o`quvchilariga tarsaki tushirgan xodim ishi yuzasidan ma`lumot berdi.Ijtimoiy tarmoqlarda Qo`shtepa tumanida joylashgan maktabda Milliy gvardiya xodimi maktab...
19.04.2024, 13:43
Joriy yilning 11 aprel kuni Farg`ona shahardagi “Shodlik Qirguli avto” MChJda nazoratchi bo`lib ishlovchi Z.S. (ayol) hamda Farg`ona-Toshloq yo`nalishida qatnovchi haydovchi B.O. o`rtasida o`zaro kelishmovchilik...
04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...
