Sankt-Peterburgda taksi chaqirgan nogiron qiz zo`rlangan. Bu haqda «Fontanka»ga tayanib ma`lum qilinmoqda.
Ma`lumotga ko`ra, 28 yoshli nogironlar aravachasiga mixlangan qiz 10 noyabr kuni polisiyaga murojaat qilgan. Uning aytishicha, kechqurun soat 1 da Gorelovo posyolkasidagi uyiga taksi chaqirgan, taksi kelgach esa ketmaslikka qaror qilgan.
Aniqlanishicha, haydovchi buning sababini tushuntirishni talab qilgan, qizni mashinaga o`tqazib, aravachani bagajga tashlagan. Ayni shu paytda kirakashning qizni zo`rlab, 900 rublini tortib olgani, keyin esa chaqiruvni bekor qilgani uchun 5000 rubl talab qilgani aytilmoqda. Yigit qizni kvartirasiga kuzatib qo`ygan, uydan kerakli summani olgan va ketgan.
Kechqurun polisiya taksi haydovchisini Avangard ko`chasida qo`lga oldi. U 25 yashar O`zbekiston fuqarosi bo`lib chiqdi. Unga qarshi Rossiya Federasiyasi Jinoyat kodeksining 162-moddasi ("Talonchilik") va 132-moddasi ("Jinsiy xarakterdagi zo`ravonlik harakatlari") bo`yicha ish qo`zg`atildi.
