Sergeli tumani IIO FMBga 41 yoshli Aslbek S. 52 yoshli Intizor B.ga nisbatan chora ko`rishni so`rab murojaat qildi. Bu haqda Toshkent shahar IIBB ma`lum qildi.
Intizor B. 2015 yilning yanvar oyidan mart oyigacha bo`lgan davr mobaynida Aslbekka Toshkent viloyati Zangiota tumanidan 6 sotok er maydonini xarid qilishda yordam berishini va`da qilgan. Buning uchun u Aslbekdan 3.000 AQSh dollari olgan, ammo va`dasiga xilof qilib, pullarni o`z ehtiyojiga sarflab yuborgan.
Intizor B.ga nisbatan O`zbekiston Respublikasi Jinoyat kodeksining 168-moddasi (“Firibgarlik”) bo`yicha jinoiy ish qo`zg`atildi.
