Telegram messedjerida Shayxontohur tumanida yo`l-transport hodisasi joyida yozilgan video tarqamoqda. Ushbu holat IIBB tomonidan tezkor o`rganilib, aniqlashtirildi.
Ma`lum qilinishicha, 2019 yil 18-noyabr kuni soat 20:45 da J.M. “Nexia-3” rusumli avtomobilida Nurafshon ko`chasi bo`ylab harakatlangan. Boshqaruvni bajara olmasdan harakat yo`nalishlarini ajratib turuvchi to`siqqa va yorituvchi temir ustunga urilgan. To`qnashuv oqibatida transport vositasi 24 yoshli K.Sh. boshqarib borgan “Matiz” rusumli avtomobilga urilgan.
Yo`l-transport hodisasi natijasida “Matiz” rusumli avtomobil yo`lovchisi 21 yoshli N.Sh.ga tan jarohatlari oldi va shifoxonaga etkazildi. Shuningdek yo`ldagi ustun va uchta to`siqqa zarar etgan.
