Ozodlikdan mahrum etish joylarida saqlanayotgan shaxslarning huquq va erkinliklarini ta`minlash, jazoni ijro etish va probasiya tizimi faoliyatini tashkil etish borasida Buyuk Britaniya tajribasini o`rganish maqsadida O`zbekiston Respublikasi Bosh prokuraturasi, Ichki ishlar vazirligi, Oliy Majlisining Inson huquqlari bo`yicha vakili (ombudsman) kotibiyati vakillaridan iborat O`zbekiston delegasiyasining (jami 4 kishi) mazkur mamlakatga tashrifi amalga oshirildi.
Tashrif Xalqaro penal islohotlar (Penal Reform International) tashkiloti Markaziy Osiyodagi mintaqaviy vakilligi ko`magida tashkil etildi.
Tashrif davomida O`zbekiston delegasiyasi ishtirokida 8 ta rasmiy tadbirlar tashkil etildi. Jumladan, Xalqaro penal islohotlar (PRI) tashkiloti Bosh ofisida ushbu tashkilot ijrochi direktori va bosh ofis vakillari bilan, Buyuk Britaniya Adliya vazirligida vazirlikning Probasiya xizmati va Jinoiy-ijroiya tizimi rahbariyati va vakillari bilan, Buyuk Britaniya Parlamentida Lordlar Palatasi a`zosi, Xalqaro penal islohotlar (PRI) tashkiloti Faxriy Prezidenti bilan uchrashuvlar o`tkazildi.
Shuningdek, O`zbekiston delegasiyasi Kent milliy probasiya xizmatiga (National Probation Service Kent), Ijtimoiy reabilitasiya markaziga (Community Rehabilitation Center), Bullingdon turmasiga tashrif buyurishdi va ushbu idoralar faoliyati bilan bevosita tanishtirildi.
O`tkazilgan barcha uchrashuvlarda tadbir qatnashchilariga O`zbekiston delegasiyasi vakillari tomonidan mamlakatimizda inson huquqlari va erkinliklarini kafolatlash, jazoni ijro etish va probasiya tizimi faoliyatini samarali tashkil etish borasida amalga oshirilayotgan keng ko`lamli islohotlar natijalari batafsil tushuntirildi. Tadbir qatnashchilarining savollariga to`laqonli javoblar berildi.
Buyuk Britaniya Parlamentida o`tkazilgan uchrashuv yakunida O`zbekiston delegasiyasi vakillari – Bosh prokuratura boshqarma boshlig`i o`rinbosari A.M.Saydaliev, Oliy Majlisning Inson huquqlari bo`yicha vakili (ombudsman) o`rinbosari S.A.Xamidullaev, Ichki ishlar vazirligi Probasiya xizmati boshlig`i o`rinbosari I.Yu.Fazilov Markaziy Osiyo davlatlarida penal islohotlar rivojiga qo`shgan hissasi uchun Xalqaro penal islohotlar (PRI) tashkiloti Markaziy Osiyodagi mintaqaviy vakilligining birinchi yubiley medali bilan taqdirlandi. Medallarni Buyuk Britaniya Parlamenti Lordlar Palatasi a`zosi, Xalqaro penal islohotlar (PRI) tashkiloti Faxriy Prezidenti Baronessa Viven Stern va tashkilotning Markaziy Osiyodagi mintaqaviy vakilligi direktori A.S. Shambilov tantanali ravishda topshirdi.
Tashrif yakunlari bo`yicha Buyuk Britaniyaning ilg`or tajribasini inobatga olgan holda, milliy jazoni ijro etish va probasiya tizimi faoliyatini takomillashtirishga qaratilgan aniq takliflar tayyorlanib, mutasaddi idoralarga o`rnatilgan tartibda kiritildi.
24.04.2024, 20:06
Buyuk Britaniya 2025 yilda Polsha hududida Typhoon qiruvchi samolyotlarini joylashtiradi. Bu haqda Buyuk Britaniya bosh vaziri Rishi Sunak Varshavada Polsha bosh vaziri Donald Tusk bilan qo`shma matbuot...22.04.2024, 17:11
Buyuk Britaniya Tashqi ishlar vaziri Devid Kemeron Tojikistonga keldi. Bu haqda Tojikiston Tashqi ishlar vazirligi matbuot xizmati xabar berdi.Tashrif doirasida Kemeron Tojikiston prezidenti Imomali Rahmon...26.10.2022, 12:33
Buyuk Britaniyaning yangi bosh vaziri Rishi Sunak Ukraina prezidenti Vladimir Zelenskiy bilan birinchi telefon suhbatini o`tkazdi va u Kievni qo`llab-quvvatlashda davom etishga va`da berdi. Bu...18.01.2022, 23:03
Buyuk Britaniyaning minglab sayyohlik kompaniyalari pandemiya davrida mamlakatda qattiq va uzoq muddatga cho`zilgan cheklovlar tufayli faoliyatlarini to`xtatishi mumkin. Bu haqda The Guardian xabar bermoqda. Qayd etilishicha,...