Surxondaryo viloyati bojxona boshqarmasi Kontrabanda va bojxona qonunbuzilishi holatlariga qarshi kurashish bo`limi xodimlari viloyat Ichki ishlar xodimlari bilan hamkorlikda o`tkazgan tezkor tadbiri davomida pirotexnika vositalarining yana bir noqonuniy savdosiga chek qo`yildi. Bu haqda “darakchi.uz”ga Davlat bojxona qo`mitasi axborot xizmati xabar bermoqda
Tadbir davomida fuqaro N.S. Termiz shahrida 2500 dona pirotexnika vositalarini noqonuniy pullamoqchi bo`lgan vaqtda tadbir ishtirokchilari tomonidan qo`lga olindi.
Tezkor tadbir Denov tumanida davom ettirilib, tuman markazidagi bozor yonidagi avtomashinalar to`xtash joyida fuqaro N.R. 840 dona pirotexnika vositasini sotmoqchi bo`lgan vaqtida qo`lga olindi.
Hozirda yuqoridagi holatlar yuzasidan bojxona organlari tomonidan surishtiruv harakatlari davom ettirilmoqda.
