Ishchi xodimga berilmay qolgan katta miqdordagi ish haqi undirib berildi. Bu haqda “darakchi.uz”ga MIB ma`lum qildi.
Majburiy ijro byurosi Chilonzor tuman bo`limi ish yurituvidagi Fuqarolik ishlari bo`yicha Uchtepa tumanlararo sudining 08.07.2019 yildagi ijro hujjatiga asosan, qarzdor ish beruvchi tashkilotdan undiruvchi F.A.ning foydasiga 22 mln. 188 ming so`m miqdoridagi ustama va qo`shimcha haqlar undirish to`g`risidagi ijro hujjati bo`lim ish yurituviga kelib tushgan edi va bu haqida qarzdor ish beruvchi tashkilotga topshirilgan.
Olib borilgan ijro harakatlari natijasida ish beruvchi tashkilotdan undiruvchi F.A. ga 22 mln. 188 ming so`m miqdoridagi oyliq ish haqlari undirib berildi.
