2020 yilning 15 yanvaridan 15 martigacha “O`zbekiston pochtasi” Aksiyadorlik jamiyati tomonidan “Bolalar nazaridagi dunyo” markalarning maxsus seriyasini nashr qilish uchun “Yil mavsumlari” respublika bo`ylab bolalar rasmlarining tanlovi o`tkaziladi.
Mazkur tanlov O`zbekiston Respublika Axborot texnologiyalari va kommunikasiyalarini rivojlantirish Vazirligi va O`zbekiston Badiiy akademiyasi ko`magida tashkil etilmoqda.
Tanlovning har bir ishtirokchisi qalin oq qog`ozda akvarel yoki guash bo`yog`ida chizilgan 4 ta rasm jo`natib, ularda yilning to`rt mavsumi aks ettirishi kerak.
Tanlov g`oliblarini ajoyib sovg`alar kutmoqda.
Manzil: Toshkent, Navoiy ko`chasi, 28B-uy, “O`zbekiston Pochtasi” AJ filiali.
Batafsil ma`lumot uchun telefon: +99871 244-39-36
