1

Xokim qaroriga o`zgartirish kiritildi. Endi navoiyliklar uyiga mehmon kelsa, bir kun uchun 3 ming so`m to`laydi

Jamiyat 18.12.2019, 10:26
Teglar: Qaror, hokim, Navoiy, Soliq, mehmon
Xokim qaroriga o`zgartirish kiritildi. Endi navoiyliklar uyiga mehmon kelsa, bir kun uchun 3 ming so`m to`laydi

Navoiy shahri hokimining yangi qaroriga asosan oilaviy yotoqxonalarda yashovchilar uyiga mehmon olib kelsa, mehmon uchun ham alohida pul to`lashi joriy etilgani xabar qilingan edi. Ushbu holatga Navoiy viloyati adliya boshqarmasi munosabat bildirdi.

Unga ko`ra, Navoiy shahar hokimining 2019 yil 13 noyabrdagi Q-907-sonli “Navoiy shahar hokimligi tasarrufidagi yotoqxonalardan foydalanishni yanada takomillashtirish chora-tadbirlari to`g`risida”gi qarori qabul qilingan. 

Qaror loyihasi 16.10.2019 yilda Navoiy shahar adliya bo`limi tomonidan huquqiy ekspertizadan o`tkazilib, qonunchilik texnikasi talablariga muvofiqlashtirish uchun qaytarilgan.

Shuningdek, qaror loyihasi qayta taqdim etilgandan so`ng Navoiy shahar adliya bo`limi tomonidan 22.10.2019 yilda ijobiy xulosa berilgan.

Mazkur qaror bilan tasdiqlangan “Navoiy shahar hokimligiga qarashli yotoqxonalardan foydalanish bo`yicha nizom”ning 16-bandiga asosan ijaraga oluvchining xonasiga mehmon bo`lib kelgan yaqin qarindoshlari yotoqxonada to`rt soatdan ortiq bo`lgan muddatda qolgan taqdirda yotoqxonada qolgan har bir kun uchun 3.000 (uch ming) so`m miqdorida to`lov to`lanishi belgilangan.

Mazkur to`lov yotoqxonalar o`zini-o`zi moliyalashtirishi, qilinadigan sarf-xarajatlar hisob-kitoblari (kalkulyasiya) hamda mehmon kelgan taqdirda vujudga kelishi mumkin bo`lgan kommunal xarajatlarni qoplash maqsadida joriy qilingan.

Ushbu vaziyatda yotoqxonani ijaraga oluvchilar va ma`muriyat o`rtasida vujudga kelgan nizoli holatni bartaraf etish maqsadida Navoiy viloyat adliya boshqarmasi tomonidan 2019 yil 10 dekabr kuni Navoiy shahar hokimining qarorini tegishli tartibda muvofiqlashtirish yuzasidan 12-06-3/752-2-sonli taqdimnoma kiritildi.

Mazkur taqdimnomaga javoban, Navoiy shahar hokimining 2019 yil 11 dekabrdagi Q-956-son qarori bilan yuqoridagi nizomning 16-bandiga o`zgartirish kiritilib, ijaraga oluvchining xonasiga kelgan mehmon bir kundan ortiq muddatga qolgan taqdirda har bir kun uchun 3.000 (uch ming) so`m miqdorida to`lov to`lanishi belgilandi.

Shunga ko`ra, endi ijaraga oluvchining yaqin qarindoshlari yotoqxonaga kirishidagi cheklov olib tashlandi, shuningdek boshqa shaxslarning mehmon bo`lib kelish muddati to`rt soatdan bir kunga uzaytirildi.

Shuningdek, “Vaqtinchalik yotoqxonada yashayotgan fuqaroning uyiga mehmon kelsa, u o`sha xonadonda vaqtinchalik kommunal to`lov asosida yashayotgan TO`LOVChIning (xonadon sohibi emas) mehmoni hisoblanadi, Uy-joy va yotoqxonalardan foydalanish boshqarmasi uchun esa mehmon ham TO`LOVChI” , — deyiladi rasmiy xabarda.

Sharhlar

O`zini o`zi band qilganlarning 100 mln so`mdan ortiq daromadi qanday soliqqa tortiladi?

22.04.2024, 09:08

Joriy yilda Soliq kodeksiga o`zgartirishlar kiritildi. Endilikda o`zini o`zi band qilgan shaxslarning daromadi 100 mln so`mdan oshganda yakka tartibdagi tadbirkorlar uchun belgilangan tartibda soliq to`lashga o`tadi.Ijtimoiy...
20 ming AQSh dollari bilan qo`lga tushib qamalgan hokim o`rinbosari Farg`ona viloyati hokimligida ish boshlagani rad etildi

17.12.2022, 10:55

Telegram kanallardan birida Farg`ona viloyati Buvayda tumani hokimining sobiq 1-o`rinbosari bo`lgan Dexqonov Mirzoxidjon bundan 2 yil avval 20 000 dollar pora bilan qo`lga tushib,  ozodlikdan...
Navoiydagi konda yuz bergan portlash oqibatida mashinist halok bo`ldi

28.11.2022, 14:01

Navoiy kon-metallurgiya kombinatida o`lim bilan yakunlangan baxtsiz hodisa yuz berdi. Hodisa bo`yicha "Navoiy kon metallurgiya kombinati" matbuot xizmati ma`lumot taqdim etdi. Ma`lum qilinishicha, 2022 yilning 26...
Soliq tizimida faoliyat olib boruvchi xotin-qizlarga ko`mak beruvchi yangi platforma yaratildi

04.10.2022, 20:27

2022 yil 4 oktyabr kuni Davlat soliq qo`mitasida “Innovasion yondashuv va kreativ fikrlash – yuksak natija omili” mavzusidagi Respublika seminar-treningi tashkil etildi.Oila va xotin-qizlar davlat qo`mitasi bilan hamkorlikda...
Ob-havo: Toshkent
Valyuta kursi
1