2020 yilning 1 yanvaridan ish beruvchi hamda xodim o`rtasida tuziladigan shartnomalar va mehnat daftarchasi elektron shaklda olib borilmoqda. Mazkur tizimning qay tarzda yuritilishini o`rgatish maqsadida respublikamiz bo`ylab xodimlar bilan ishlash bo`limi mutaxassislariga tushuntirish ishlari davom etmoqda.
Shunday tadbir Toshkent viloyatida ham bo`lib o`tdi. Toshkent viloyatining O`rta maxsus, kasb-hunar ta`limi boshqarmasi tizimi xodimlari uchun O`rta Chirchiq tumanida shu kabi seminar-trening tashkil etildi. Unda 300 ga yaqin kollej xodimlar bo`limi, direktor o`rinbosari hamda mas`ul xodimlar qatnashdi.
