Xabaringiz bor, kecha ijtimoiy tarmoqlarda akasi va uning xotini tomonidan ayovsiz kaltaklangan bola haqida video tarqalgan edi. Keyinchalik bu bola aktrisa Madina Muxtorovaning farzandi ekanligi ma`lum bo`ldi.
Ayni paytdagi ma`lumotga ko`ra, Yunusobod tumani prokuraturasi 13 yoshli bolaning kaltaklanishi holati yuzasidan jinoyat ishi ochdi. Bu haqda 4 yanvar kuni bo`lib o`tgan brifingda Yunusobod tumani prokurori Habibulla Mirsoatov ma`lum qildi, deya xabar bermoqda «Gazeta.uz».
Uning so`zlarisha ko`ra, ish 4 yanvar kuni, Jinoyat kodeksining 109-moddasi 2-qismi (sog`liqning qisqa vaqt, ya`ni 6 kundan ortiq, ammo 21 kundan ko`p bo`lmagan muddatga yomonlashuviga yoki umumiy mehnat qobiliyatining uncha uzoq bo`lmagan muddatga yo`qotilishiga sabab bo`lgan qasddan badanga engil shikast etkazish)ga asosan qo`zg`atilgan.
«Jabrlanuvchi shikoyat qilmagan bo`lsa-da, Jinoyat-prosessual kodeksining 325-moddasiga asosan, prokuror jinoyat ishini qo`zg`atishga vakolatli. Biz sud-tibbiy ekspertiza xulosasi oldik va bugun Yunusobod tuman prokuraturasi jinoyat ishi ochdi, tergov harakatlari olib borilmoqda», — dedi Habibulla Mirsoatov.
Eslatib o`tamiz,
Toshkentda o`smir akasi va kelinoyisi tomonidan doimiy kaltaklanmoqda. Jabrdiyda mashhur aktrisaning farzandi ekanligi aytilmoqda (video)
Aktrisa Madina Muxtorovaning kaltaklangan o`g`li atrofidagi shov-shuvlar: Kimning gapi rost?
