«Ma`naviy-ma`rifiy ishlar a`lochisi» ko`krak nishoni o`z egalariga topshirildi

Jamiyat 30.01.2020, 19:26
«Ma`naviy-ma`rifiy ishlar a`lochisi» ko`krak nishoni o`z egalariga topshirildi

Qurolli Kuchlar davlat muzeyida mamlakatimiz Qurolli Kuchlarida ma`naviy-ma`rifiy ishlar samaradorligini oshirishga munosib hissa qo`shib kelayotgan bir guruh harbiy xizmatchi va fuqarolar «Ma`naviy-ma`rifiy ishlar a`lochisi» ko`krak nishoni bilan taqdirlandi.

Prezident Shavkat Mirzieyovning 2018 yil 4 avgustdagi «O`zbekiston Respublikasi Qurolli Kuchlari harbiy xizmatchilarining ma`naviy-ma`rifiy saviyasini oshirish tizimini tubdan takomillashtirish to`g`risida»gi va Vazirlar Mahkamasining «O`zbekiston Respublikasi Qurolli Kuchlarining «Ma`naviy-ma`rifiy ishlar a`lochisi» ko`krak nishonini ta`sis etish to`g`risida»gi qarorlari bu borada davlat va jamoat tashkilotlari bilan hamkorlikni yanada kuchaytirishda muhim omil bo`ldi.

Ko`krak nishonini o`z egalariga tantanali topshirish marosimida Mudofaa vazirligi tarbiyaviy va mafkuraviy ishlar bosh boshqarmasi boshlig`i polkovnik Akmal Ortikov, Mudofaa vazirining matbuot kotibi – axborot siyosati bo`yicha maslahatchisi podpolkovnik Bahrom Zulfiqorov taqdirlanganlarni samimiy muborakbod etdi. O`z navbatida, taqdirlanganlar ham Davlatimiz rahbari tomonidan Mudofaa vazirligi oldiga yoshlarni harbiy-vatanparvarlik ruhida tarbiyalash, ularning ma`naviy-ma`rifiy saviyasini oshirish borasida qo`yilgan mas`uliyatli vazifalarni chin dildan, to`la-to`kis ado etishga baholi qudrat kamarbasta bo`lishini ta`kidladi.

– Mening otam Ikkinchi jahon urushida qatnashgan, – deydi O`zbekiston xalq artisti Gavhar Zokirova. – Bugungi kun bolalari jang-jadal ko`rmasin, urush bo`lmasin. Harbiylar bor ekan, biz xotirjammiz, yurtimiz tinchligi ishonchli himoyada. Bugungi nishon harbiy qism va muassasalardagi suhbatlar orqali harbiy xizmatchilar bilan birga oila a`zolarining ham ma`naviy-ma`rifiy saviyasini yuksaltirishdagi mas`uliyatimizni oshiradi.

Mudofaa vazirining buyrug`iga asosan, quyidagilar«Ma`naviy-ma`rifiy ishlar a`lochisi» ko`krak nishoni bilan taqdirlandi:

Jasur HUSANOV, O`zbekiston Respublikasi Prezidenti administrasiyasi huzuridagi Axborot va ommaviy kommunikasiyalar agentligi boshqarma boshlig`i.

Ziyodulla JONIBEKOV, O`zbekiston Milliy axborot agentligi respublika axborot tahririyati bosh muharriri.

Xayriniso MIRZAJONOVA, Respublika «Nuroniy» jamg`armasi boshqaruvi raisi o`rinbosari.

Gavhar ZOKIROVA, O`zbekiston xalq artisti.

Feruza AKRAMOVA, Vazirlar Mahkamasi huzuridagi «Oila» ilmiy-amaliy tadqiqot markazi loyiha rahbari.

Lola RAKAEVA, «O`zbekiston-24» telekanali katta muharriri.

Umidulla SATTOROV, Oliy va o`rta maxsus ta`lim vazirligi bo`lim boshlig`i.

Muhammadbobur YO`LDOShEV, Vazirlar Mahkamasi huzuridagi Diniy qo`mita bosh mutaxassisi.

Podpolkovnik Nurbek OTAQO`ZIEV, Mudofaa vazirligi Toifalangan ob`ektlarni qo`riqlash qo`shinlari qo`mondonligi tarbiyaviy va mafkuraviy ishlar boshqarmasi bo`lim boshlig`i.

 

Dilshod RO`ZIQULOV, Mudofaa vazirligi

Axborot va ommaviy kommunikasiyalar departamenti

Sharhlar

Ob-havo: Toshkent
Valyuta kursi
1