2020 yil 30 yanvar kuni Axborot texnologiyalari va kommunikasiyalarini rivojlantirish vazirligi tomonidan Namangan viloyati Namangan shahrida joylashgan 26-son Mehribonlik uyidagi tarbiyalanuvchi o`g`il-qizlarning zamonaviy axborot texnologiyalariga bo`lgan qiziqish va bilimlarini, kompyuter savodxonligini yanada oshirish maqsadida xayriya aksiyasi o`tkazildi. Bu haqda Vazirli Axborot xizmati xabar berdi.
Vazirlikning sovg`alari - zamonaviy kompyuter jamlanmalari, futbol va voleybol to`plari, shaxmat, shashka, bolalar uchun rivojlantiruvchi o`yinlar va boshqa sport anjomlari va badiiy kitoblar Namangan viloyati hududiy boshqarmasi vakillari tomonidan tantanali ravishda taqdim qilindi.
Qayd etish joizki, O`zbekiston Prezidenti Shavkat Mirziyoev tomonidan Yoshlar bilan ishlashni samarali tashkil qilish borasida ilgari surilgan 5 muhim tashabbusning 3-yo`nalishi - aholi va yoshlar o`rtasida kompyuter texnologiyalari va internetdan samarali foydalanishni tashkil etish bo`yicha Axborot texnologiyalari va kommunikasiyalarini rivojlantirish vazirligi tomonidan tizimli ish olib borilmoqda.
