“Maxsustrans” DUK Shayxotohur tumani avtotrasport bo`limi tomonidan tumanning Nurafshon ko`chasida joylashgan “Ilg`or” mahallasi xonadonlariga maishiy chiqindilarni solish uchun maxsus konteynerlar tarqatildi. Bu haqda "Maxsustrans" matbuot xizmati xabar berdi.
20 dan ortiq xonadonlarga tarqatilgan ushbu konteynerlar 120 litr sig`imga ega bo`lib, ushbu konteynerlar mazkur xonadonlardan chiqayotgan chiqindilarni ko`cha yuziga olib chiqib tashlanishini kamaytirish maqsadida tarqatilgan.
“Maxsustrans” tomonidan ushbu xonadonlardan chiqindi chiqarib tashlanishi siganl asosida haftada 2 marotabadan kam bo`lmagan holda amalga oshiriladi.
Avvallari mazkur xonadonlardan chiqayotgan chiqindilar shoh ko`cha yuziga olib chiqib atrof-muhit ifloslantirilishiga sabab bo`lgan. Ushbu sinov tajriba muvaffaqiyatli amalga oshgan taqdirda mazkur amaliyot qolgan shoh ko`chalarga ham joriy etilishi rejalashtirilmoqda.
