“Махсустранс” ДУК Шайхотоҳур тумани автотраспорт бўлими томонидан туманнинг Нурафшон кўчасида жойлашган “Илғор” маҳалласи хонадонларига маиший чиқиндиларни солиш учун махсус контейнерлар тарқатилди. Бу ҳақда "Махсустранс" матбуот хизмати хабар берди.
20 дан ортиқ хонадонларга тарқатилган ушбу контейнерлар 120 литр сиғимга эга бўлиб, ушбу контейнерлар мазкур хонадонлардан чиқаётган чиқиндиларни кўча юзига олиб чиқиб ташланишини камайтириш мақсадида тарқатилган.
“Махсустранс” томонидан ушбу хонадонлардан чиқинди чиқариб ташланиши сиганл асосида ҳафтада 2 маротабадан кам бўлмаган ҳолда амалга оширилади.
Авваллари мазкур хонадонлардан чиқаётган чиқиндилар шоҳ кўча юзига олиб чиқиб атроф-муҳит ифлослантирилишига сабаб бўлган. Ушбу синов тажриба муваффақиятли амалга ошган тақдирда мазкур амалиёт қолган шоҳ кўчаларга ҳам жорий этилиши режалаштирилмоқда.
