Bosh prokuraturaning matbuot kotib Hayot Shamsutdinovning bayon etishicha, 6 fevral kuni soat 00.10 larda Qo`qon shahar, General Uzoqov ko`chasida joylashgan choyxonda fuqaro J.J. fuqaro B.M. va uning ikki nafar sheriklari bilan janjallashgan.
Janjal davomida, J.J. choyxona kirish eshigi oldida turgan B.M. va uning sheriklariga o`zida bo`lgan o`q otar qurol (ov miltig`i) dan ikki marotaba o`q otib, tan jarohati etkazgan va voqea joyidan yashiringan.
Jabrlanuvchilar olgan jarohatlarning og`irlik darajasini aniqlash maqsadida sudga oid ekspertiza tayinlangan.
Mazkur holat yuzasidan JKning 25,97-moddasi 2-qismi "a, p" bandlari bilan jinoyat ishi qo`zg`atilgan va tergov harakatlari olib borilmoqda.
