2020 yil 24 iyul kuni fuqaro Sh.T. boshqaruvidagi “Nexia” rusumli avtomashinasini "Vaziyo" MFY hududida boshqarib ketayotib, qarama-qarshi yo`nalishda harakatlanib kelayotgan B.J. boshqaruvidagi “Tico” rusumli avtomashinasi bilan to`qnashuv sodir qildi.
Farg`ona viloyati IIB Axborot xizmatining xabar berishicha, YTH oqibatida “Tico” haydovchisi tan jarohati olib, shifoxonada vafot etgan.
Mazkur holat yuzasidan Farg`ona tumani IIB huzuridagi tergov bo`limi tomonidan Jinoyat kodeksining 266-moddasi 2-qismi bilan jinoyat ishi qo`zg`atilib, hozirda tergov harakatlari olib borilmoqda.
