Истанбулда бир эркак Босфор кўпригидан сакраб жонига қасд қилмоқчи бўлган бир вақтда, шу ердан ўтиб кетаётган Туркия президенти Ражаб Эрдўған Тойип унинг режаларини ўзгартириб юборди. Сиирт шаҳрида яшовчи Везир Чатраш оиладаги муаммолар сабабли ҳаётига нуқта қўймоқчи эди.
Чатраш кўприкнинг тўсиғидан ўтиб, ўзини ташлашга ҳадди сиғмай турган бир пайтда ушбу кўприкдан мамлакат раҳбари ўтаётганди. Полициячилар тўпланиб турганини кўрган Эрдўған гап нимадалигини билиш мақсадида тўхтади. Эркакка президент унинг ҳаёти билан қизиқаётганини етказишди, шунда Чатраш президентни олдига бориб, унинг қўлини ўпиб қўйди, у билан кичик сухбат ўтказгач жонига қасд қилиш ниятидан қайтди.
Туркия ижтимоий тармоқ фойдаланувчилари мазкур ушбу ҳодиса режалаштирилган бўлиши мумкин деган талқинни илгари суришмоқда, дея хабар беради РИА Новости. Уларнинг айтишича, одатда Эрдўған ўтишидан олдин йўллар ёпилади, ва Чарташ кўприкка чиқолмаган бўларди. Чарташнинг ўзи Туркияда етакчи партия тарафдори саналади.
Ушбу хабар билан Турклар янгиликлар оқимини ўзгартиришмоқчи деган хулосага келишмоқда. Ҳозирда Туркиянинг асосий мавзуси Туркияда таъқиқланган Қурдистон ишчи партияси жангариларига нисбатан антитеррористик операциялар бўлиб турибди.
