АҚШ давлат котиби Жон Керри Япония ташқи ишлар вазири Фумио Кисида билан телефон орқали суҳбатида Шимолий Корея ўз ҳатти-ҳаракатларига товон тўлаши кераклигини айтди. Бу ҳақда “РИА Новости” хабар бермоқда.
“Шимолий Корея ўз ҳаракатлари учун муқобил равишда товон тўлаши керак”, — деди АҚШ давлат котиби.
Бундан аввал Япония ташқи ишлар вазири Фумио Кисида Токионинг барча мамлакатлар билан ўзаро ҳамфикр бўлишга ҳаракат қилаётганини таъкидлаган эди.
Япония бош вазири Германия, Жанубий Корея ва Евроиттифоқ мамлкатларидаги ўз ҳамкасблари билан учрашув ўтказган эди. Бугун Япония бош вазири Синдзо Абэ АҚШ Президенти билан суҳбатлашди.
6 январь, чоршанба куни Шимолий Корея водород бомбасини синовдан ўтказганини маълум қилди. Халқаро ҳамжамият, шу жумладан ядровий қуролга эга бўлган йирик мамлакатлар Пхеньяннинг ҳаракатларини катта ташвиш билан муҳокама қилди. Айримлар эса чоршанба куни айнан водород бомбаси синовдан ўтказилганига шубҳа билдирмоқда.
