Япониядаги Нагано курортига йўл олган сайёҳлар автобуси йўл четидаги ариққа қулаб кетди, деб хабар беради “Lenta.ru”.
Йўл-транспорт ҳодисаси оқибатида 14 киши ҳалок бўлган, 27 киши тан жароҳати олган.
Автоҳалокат бугун, 15 январь куни тунги соат 2:00 атрофида тоғ йўлида содир бўлган. 41 кишини олиб кетаётган автобус қарама-қарши йўналишга чиқиб кетган, йўл ўртасидаги тўсиқни уриб, уч метр баландликдан пастга қулаган. Йўловчиларнинг аксарияти 20 ёш атрофидаги ёшлар бўлган.
Ҳодиса жойига ҳуқуқ-тартибот органлари ходимлари ва тез тиббий ёрдам етиб келган. Жароҳатланганлар шифохонага ётқизилган, улардан 19 нафарининг аҳволи оғир.
Полиция маълумотларига кўра, йўлда музлаш кузатилмаган, об-ҳаво шароитлари ҳам яхши бўлган. Ҳозирда ЙТҲ сабаблари ўрганилмоқда.
