Германия Федератив Республикаси канцлери Ангела Меркелнинг обрўси тушишда давом этмоқда. ZDF телекомпанияси сўровларига кўра, сўнгги ойда унинг Христиан-демократик иттифоқи ва Христиан-социал иттифоқидан таркиб топган партия консерватив блоки рейтинги 2 фоизга тушиб, 37% ташкил қилган.
Сўровномада иштирок этганларнинг бундай қарорига Кёльнда янги йил кечаси содир этилган юзлаб аёлларнинг муҳожирлар томонидан зўравонлик қурбонига айлангани сабаб бўлди.
Кёльн воқеалари аксарият немисларнинг фикрини ўзгартирди: агар декабрда Германия халқининг 47% ҳукумат сиёсатини оқлаган бўлса, бир ой ичида уларнинг сони 39% гача тушди.
46 дан 60% аҳоли Германия қочоқлар оқимини эплай олмайди деб ҳисобламоқда.
Меркель рейтингининг тушиши ўтган йилнинг сентябрь ойидаёқ муҳожирлар муаммоси сабабли бошланган эди.