Гарчи ниқоблар CОВИД-19'ни юқтириш эҳтимолини камайтирувчи фойдали восита экани айтилган бўлса ҳам, у инсонларнинг нафас олиш йўлларида вирусларни камайтириши аниқ эмас. Ниқоб кийиш атрофдаги ҳаво зарраларини ва уларнинг динамикасини сезиларли даражада ўзгартиради, бу эса атроф-муҳит зарраларининг нафас олиш қобилиятини ўзгартириши мумкин. Олиб борилган тадқиқотлар натижалари шуни кўрсатадики, ниқобсиз нафас олаётганда ҳаво оғиз ва бурунга маълум йўллар орқали киради. Ниқоб кийганда ҳаво оғзига ва бурунга ниқобнинг бутун юзаси орқали паст тезликда киради, бу эса атрофдаги аерозолларни бурунга нафас олишига ёрдам беради.
Шу боис бир марта ишлатилган ниқоб кейинги ишлатилишда майда томчиларни самарали фильтрлай олмайди. Баъзилар йўқдан кўра ҳар қандай ниқоб яхши деб ҳисоблайди. Аммо ишлатилган ҳимоя воситалари 2,5 микрометрдан кичик зарраларга қарши кураша олмайди.
Мутахассисларнинг хулосаси уч қаватли жарроҳлар ниқобини таққан одамнинг компьютер моделига асосланган. Симуляция натижасида ҳаводаги майда томчилар юз, юқори нафас йўллари, томоқ ёки ўпкага қандай тушганлигини кўрсатиб берган. Таъкидланишича, ишлатилган ниқоб ҳаво оқими тезлигини сезиларли даражада пасайтириб, унинг самарадорлигини камайтиради.
