Россиялик композитор ва продюсер Константин меладзенинг Lexus LX 570 автомобили ўғирлаб кетилди, деб хабар беради “Lenta.ru”.
Меладзенинг автомобили Украина пойтахти Киев шаҳри Соломен тумани Искровская кўчасидаги “Спутник” кинотеатри олдидан бугун 26январь соат маҳаллий вақт билан 17:55 да ўғирлаб кетилган.
“Ҳозирда Lexus LX 570 автомобили ўғирлаб кетилиши юзасидан тергов-суриштирув ишлари амалга оширилмоқда. Константин Меладзега тегишли 2013 йилда ишлаб чиқарилган Lexus LX 570 автомобили 40 ёшли ҳайдовчи уни “Спутник” кинотеатри олдида ўн дақиқага қолдирган пайтда ўғирлаб кетилган”, —дейилади хабарда.
Константин Меладзе 2012 йилнинг 27 декабрида Киев — Обухов йўлининг 32 километрида ўзининг бошқарувидаги Lexus автомобилида пиёдалар учун мўлжалланган жойдан йўлни кесиб ўтаётган 30 ёшли аёлни уриб юборган эди. Аёл ҳодиса жойидаёқ вафот этганди. Ўшанда Меладзенинг ўзи полиция чақирган. ЙТҲ юзасидан жиноий иш қўзғатилган, аммо у 2013 йилда Меладзенинг ҳатти-ҳаракатларида жиноят аломатлари бўлмагани юзасидан экспертиза берган хулосадан сўнг ёпилган эди. Меладзе вафот этган аёлнинг икки нафар фарзандини улар вояга етгунга қадар таъминлашни ўз зиммасига олган.
Константин Меладзе — таниқли хонанда Валерия Меладзенинг туғишган акаси,Украинада хизмат кўрсатган санъат арбоби. У шунингдек, хонанда Вера Брежневанинг турмуш ўртоғи.
