“Топ дизайнер” кўрсатувининг янги — учинчи босқич иштирокчилари кастинг асосида танлаб олинганини хабар берган эдик.
Иштирокчиларнинг таништирув шарти эса февраль ойининг илк кунларида эфирга узатилиши режалаштирилаяпти. Шунингдек кўрсатув ижодкорлари мазкур мавсумга жуда қаттиқ тайёргарлик кўришаётганини ҳам алоҳида таъкидлаб ўтишди. “Шартлар ўтган мавсумларга нисбатан бироз мураккаб бўлади. Ғолиб ҳам доимгидан кўра каттароқ совға билан сийланади”, дейди муаллиф ва бошловчи Зайнаббегим Юнусова. Маълум бўлишича, учинчи мавсумда ғолиб бўлган дизайнер Ўзбекистонда ишлаб чиқарилган автомобиль билан тақдирланар экан!
