Facebook ижтимоий тармоғидаги “Потребитель.уз” гуруҳи аъзоларидан бири ўз хурсандчилигини ижтимоий тармоқ фойдаланувчилари билан бўлишди.
Унинг маълум қилишича, Тошкент шаҳри Шимолий вокзал-ТТЗ йўналишида қатновчи 14-йўналиш автобусига Wi-Fi ўрнатилган.
“Бугун автобусдаги бепул ва юқори тезликдаги Wi-Fi интернетдан фойдаландим. Келажак сари ташланган катта қадам!», — деб ёзади фойдаланувчи.
Фойдаланувчи автобус ичидаги Wi-Fi ҳақидаги эълон суратини ҳам илова қилган. Эълонда: “Бу автобусда Wi-Fi бор”, деб ёзилган ва уланиш мумкин бўлган тармоқ номи («WI-FI-BUS») кўрсатилган.
