21 ёшли Ален-Фабьен бренднинг баҳорги реклама кампаниясида қатнашди.

Ален Делон ва француз Dior  модалар уйини бир неча йиллардан бери реклама учун тузилган шартнома бирлаштириб турарди. Машҳур француз актёри Ален Делон афсонавий, эркаклар ифори бўлмиш Eau Sauvage нинг юзи эди. Энди эстафета таёқчаси мерос сифатида унинг ўғли Ален-Фабьенга ўтди. У Dior Homme модалар уйи ташкил этган баҳор ва ёзги реклама кампаниясининг бош қаҳрамонига айланди.

Dior Homme модалар уйининг креатив директори Крис Ван Аш у ҳақда “Йигитча отасига ўхшаб, жуда ҳам кўркам, камерага дадил қарайди ”, дея изоҳ берди. Бу Ален-Фабьеннинг мода оламидаги илк дебюти эмас, машҳур фамилия бундан икки йил олдин ҳам подиумда тантановор жаранглаган эди, ўшанда у  Gucci нинг Миландаги кастинг намойишида қатнашганди. Шундан кейин унинг расмлари машҳур мода журналларининг муқоваларида чоп этила бошлади, мана энди эса муваффақиятли модделлик карьерасини ваъда қиладиган реклама шартномаси тузилди.

Машҳур Голливуд актёрларининг фарзандларини Париж подиумларини забт этишлари учун Францияга юборишлари анъанага айланди. Ален-Фабьен ҳам бошқа юлдузли оила фарзандлари каби мода бизнесида фаолият юритишни истади. Машҳур актёрлар Дилан Броснан ва Памелы Андерсоннинг ўғли Дилан Ли  Yves Saint Laurent, Патрик Шварцнеггер — Tom Ford, Скотт Иствуд — Hugo Boss, Жонни Депп ва Лили-Роуз нинг қизи—  Chanel модалар уйининг рекламаларида суратга тушишган.