Ҳиндистон жанубидаги мактаблардан бирига қоплон бостириб кириб, беш кишини жароҳатлади. Бу ҳақда “Gazeta.ru” хабар бермоқда.
“Бизга давлат мактабларидан бирининг ўқитувчилари қўнғироқ қилди. Уларнинг маълум қилишича, қоплон мактаб биноси атрофидаги тўсиқдан сакраб ўтиб, бўш синф хоналаридан бирига кириб олган. Бу ҳолатни кузатув камералари тасвирга олган”, — деди табиатни муҳофаза қилиш хизмати ходимлари.
Ҳодиса 7 февраль, якшанба куни мактабда ўқувчилар бўлмаган пайтда юз берган. Жароҳатланган беш кишидан бир нафари жиддий жароҳатлар билан шифохонага жойлаштирилган.
Табиатни муҳофаза қилиш хизмати ходимлари қоплонга тинчлантирувчи укол қилган ва Баннергхата ҳайвонот боғига олиб кетган.
