Халқаро грамёзувлар федерацияси(IFPI) бутун дунёда ижод қилаётган санъаткорлар орасидан энг омадлисини танлаш бўйича тадқиқот ўтказди. Унга кўра, британиялик хонанда Адель 2015 йилнинг энг омадли қўиқчиси, дея тан олинди. Бу ҳақда “Lenta.ru” хабар бермоқда.
Маълумотларга кўра, Аделнинг ўтган йили ноябрь ойида яратилган “25” альбоми ва “Hello” қўшиғи бошқа хонандаларнинг дискларидан кўра кўпроқ миқдорда сотилган ва дунё бўйича катта рекорд ўрнатган.
Иккинчи ўринни эса Аделниинг ҳамюрти Эд Ширан эгаллади. Учинчи ўриндан 2014 йилнинг “Энг омадли қўшиқчиси” Тейлор Свифт ўрин олган.
2015 йилнинг энг омадли санъаткорлари рўйхатига шунингдек, канадалик поп-ижрочи Жастин Бибер ва Британиянинг One Direction гуруҳи ҳам киритилган.
Январь ойида Аделнинг Hello қўшиғига ишланган клип Gangnam Style клипининг рекордини янгилаган эди. У 88 кун ичида миллиард марта кўрилди. Жанубий Кореялик хонанда PSY`нинг Gangnam Style клипи эса бундай натижага 159 кун ичида эришган эди.
