Малайзиянинг Саравак штатида сув тошқини оқибатида 5,5 минг киши бошпаналарини ташлаб кетишга мажбур бўлди. Бу ҳақда “РИА Новости” хабар бермоқда.
Одамлар вақтинчалик ташкил этилган марказларга жойлаштирилди. Бу марказлар Кучинг шаҳрида ташкил этилди. Шошилинч хизматлар — полициячилар ва шифокорлар кучайтирилган тартибда иш олиб боришга ўтказилди. Сув тошқини кучли ёмғир сабабли Саравак дарёсининг қирғоғидан тошиши оқибатида содир бўлди.
