Жорий йилнинг 15 февралидан бошлаб Россия фитосанитария талабларига жавоб бермаганлиги учун АҚШдан маккажўхори ва соя маҳсулотларини келтириш тақиқланди, дея хабар берди “Вести” нашри.
“АҚШдан келтирилаётган бу маҳсулотлар Россия аҳолиси учун катта хавф туғдираётганлиги сабабли, “Россельхознадзор” 15 февралдан бошлаб, АҚШдан маккажўхори ва соя келтиришни вақтинчалик чеклаб қўйди”, – дея воқеага ойдинлик киритди “Россельхознадзор”нинг расмий вакили Алексей Алексеенко.
“Росстат”нинг берган маълумотига кўра, Россия 2015 йилда маккажўхори ва соя етиштириш бўйича рекорд натижаларга эришиб, 12,7 миллион тонна маккажўхори ва 2,8 миллион тонна соя маҳсулоти етиштирган. Келажакда эса 30 миллион тонна маккажўхори етиштириш режалаштирилган.