Қирғоқ бўйидаги тахминан 150 мингга яқин бўлган Адели пингвинлари улкан айсберг туфайли ҳалок бўлди, натижада қолган пингвинларнинг емиш излаб 60 километр йўл босишига тўғри келди. Бу ҳақда “Lenta.ru” нашри хабар бермоқда.
Шарқий Антарктиданинг Ҳамдўстлик кўрфази қирғоқларидаги пингвинлар маконига илк бора 2010 йилда 2900 квадрат километрни ташкил этувчи айсберг келиб урилиб, пингвинлар колониясини денгиздан батамом узиб қўйганди. Овқат илинжида пингвинларнинг юзлаб километр йўл босиши, уларнинг ҳалокатига сабаб бўлди. Олимларнинг аниқлашича, пингвинлар сони 160 мингтага камайган.
