Нью-Йоркда ўтказилган модалар намойишида ҳинд дизайнери Наим Хон саратон касаллигига чалинган 11 ёшли қизча Тринити Мораннинг орзусини рўёбга чиқарди.
Кеча сўнггида қизча дизайнер билан биргаликда подиумга кўтарилди, дея хабар берди “Segodnya.ua” нашри.
Тринитининг орзусини рўёбга чиқаришда оғир касалликка чалинган болаларнинг хоҳиш ва истакларини амалга оширишга кўмаклашадиган Make-a-Wish Foundation хайрия ташкилоти ҳам катта ёрдам берди. “Қизчанинг шодон ва бахтли бўлиши учун ёрқин, қизил рангли кўйлакни танладим, у албатта тузалиб кетади, қолган барча орзу-ниятлари ҳам рўёбга чиқади”, деди модельер.
Бу техаслик Тринити Мораннинг Нью-Йоркка қилган илк сафари эди. “Мен болалигимдан гўзал модель бўлишни орзу қилганман, мана мўъжиза юз бериб, мен подиумга чиқдим”, - деди ҳаяжон билан қизча.
