Норвегиядаги Анденес шаҳрида яшовчи бир оиланинг уч аъзоси Хайди, Олаф ва Лейф Мартинлар йиллари ҳар хил бўлса-да, айнан бир санада, яъни 29 февраль куни дунёга келган, дея хабар беради “Gazeta.ru” нашри.
Хайди —1960 йилнинг 29 февралида, Олаф –1964 йилнинг 29 февралида, Лейф-Мартин – 1968 йилнинг 29 февралида дунёга келган. Уларнинг онаси Карин бир санада уч фарзандни дунёга келтирган ягона она ҳисобланади ва 1980 йилда у Гиннесснинг рекордлар китобига киритилган. Ҳар тўрт йилда бир марта барча ОАВлар Хенриксенлар оиласи ҳақида мақолалар чоп этишади. Бу йил Хайди, Олаф ва Лейф Мартинлар туғилган кунларини кенг нишонлашни режалаштиришган. Энг катта туғилган кунни эса Лейф Мартин 50 ёшга тўлганда байрам қилишни кўзда тутишган. Ер юзида 29 февраль куни туғилган кунини нишонлайдиган инсонлар сони 5 миллиондан ортиқ кишини ташкил этади.
